मित्र
गाऊ किती थोरवी
मित्रा, गाऊ किती थोरवी
कृष्ण तू कर्ण तू
बेईमान या जगी
अधर्मातील धर्म तू !
कृष्ण तू कर्ण तू
अधर्मातील धर्म तू
स्थान माझे या जगी
शून्य रे अमान्य रे
काळोख्या दुनियेत
असे कवडसा तू !
कृष्ण तू कर्ण तू
अधर्मातिल धर्म तू
वनवा पेटला उरी
धगधगत्या ज्वाले परी
अलगत त्यावरी
हळवी फुंकर तू !
कृष्ण तू कर्ण तू
अधर्मातील धर्म तू
वेढलो की मी असा
यवनी हा पुरंदर
तोडण्या हा विळखा
मावळा तू धुरंदर !
कृष्ण तू कर्ण तू
अधर्मातील धर्म तू
नाव ही दर्यावरी
हेलकावते जरी
दिशादर्शकातील
नितळ पारा तू !
कृष्ण तू कर्ण तू
अधर्मातील धर्म तू
📚🖋️ राहुल मोरे
९४२१६१२९७९