चक्रव्यूह
काय करावं कसं करावं, काही कळत नाही
आयुष्याचे गणित मात्र, जुळता जुळत नाही
एक शिवले की, दुसरं उसवत जातं
हरेक शिवायला, धागा काही मिळत नाही
एक संकटाचा डोंगर, पार केला न केला
यक्ष म्हणून दुसरं, उसंत काही मिळत नाही
उमेदीने सारं विसरून, पुन्हा लढावं म्हणतो
पण तीच गुल तीच काडी, घास काही गिळत नाही
येरे माझ्या मागल्या, म्हणून आयुष्य रेटावं
सुख शोधण्या नजर, खिळता खिळत नाही
चक्रव्यूहात अडकलेला, निश्चल अभिमन्यू मी
मुक्ती देण्या शोधतो, जयद्रथही मिळत नाही
📚🖋️ राहुल मोरे
९४२१६१२९७९